Vehbi Kajtazi ka thënë se Prokuroria e Shtetit është zyrtarisht e kapur nga Albin Kurti.
Gazetari është shprehur se kapja e sistemit prokurorial ka ndodhur pas reformës në përbërjen e këshillit prokurorial dhe zgjedhjes në krye të këtij institucionit të Arianit Gashit, një anëtari të dyshuar për afërsi me pushtetin e Vetëvendosjes.
“Albin Kurti me ndihmën e Vjosa Osmanit sot zyrtarizoi kapjen e Prokurorisë”, tha Kajtazi. “Prandaj, kushdo qe e sheh Vjosa Osmanin si alternativë të Kurtit është idiot”.
Me këtë hap, sipas Kajtazit, Kurti do t’i ketë duart e lira për “të vjedh pa frikën e ndëshkimit”.
“Kurti, prej sot është i lirë bashkë me bandën e tij kriminale të vjedh pa frikën e ndeshkimit”, ka shkruar Kajtazi.
Prokurori dhe anëtari i Këshillit Prokurorial të Kosovës, Arian Gashi u zgjodh të enjten kryesues i këshillit.
Gashi, i cili ishte njëri nga kundërshtuesit kryesorë të shkarkimit të ish u.d. Kryeprokurorit të Shtetit Besim Kelmendi, dyshohet për afërsi me pushtetin e Lëvizjes Vetëvendosje.
Zbulohen lidhje të tjera të ngushta të prokurorit Arian Gashi me Vetëvendosjen