Skuadra e Ferizajt ka siguruar finalen e Kupës së Kosovës, pasi arriti që në gjysmëfinale ta eliminojë skuadrën e Llapit.
Ndeshjen kthyese e gjysmëfinales së Kupës së Kosovës në futboll e zhvilluar të mërkurën në Ferizaj, ndërmjet Ferizajt dhe Llapit, nuk dha gola e as fitues, mirëpo Ferizaj shfrytëzoi epërsinë nga ndeshja e parë e zhvilluar në Podujevë dy javë më parë.
Ndeshja ishte e tensionuar në fushë, ndërsa pati edhe ndërprerje.
Kjo është hera e tretë që Ferizaj ndodhet në finale të Kupës, ndërsa në sirtaret e klubit mungon trofeu. Ata ishin mposhtu në finale njëherë nga Trepça 89 dhe njëherë nga Prishtina.
Për Llapin ky është njëri prej sezoneve më të dështuar.
Skuadra e drejtuar nga trajneri Tahir Batatina rrezikon eliminimin nga Superliga, ndërsa shpresën e vetme e kishin te kupa.