“Ariani Company”, kompania e mirënjohur e ndërtimit, ka arritur marrëveshje bashkëpunimi me gjigantin e rrjeteve të supermarketeve në Kosovë, “Viva Fresh Store”.
“Ariani Company” dhe “Viva Fresh” kanë arritur marrëveshje 15-vjeçare për objektet e destinuara për afarizëm.
Ky partneritet i rëndësishëm është një dëshmi e qartë e besimit që kompanitë lider kanë ndaj cilësisë së ndërtimit, lokacionit strategjik dhe standardeve të larta që ofron Ariani Company.
Pronari i kësaj kompanie, Naser Imeri, ka thënë se zgjedhje e “Ariani Company” konfirmon se projektet përfaqësojnë një destinacion të sigurt dhe të qëndrueshëm për biznese serioze që synojnë rritje dhe sukses afatgjatë.
Ai ka thënë se mbetet i përkushtuar në ndërtimin e hapësirave moderne dhe funksionale, duke kontribuar në zhvillimin ekonomik dhe duke krijuar mundësi të reja për bizneset në Kosovë.