Ministri i Jashtëm i Iranit, Abbas Araghchi, ka folur për herë të parë publikisht për vdekjen e ish-udhëheqësit suprem të Iranit, Ali Khamenei, duke zbuluar se ai refuzoi të shkonte në strehimore gjatë sulmeve amerikano-izraelite.
Sipas Araghchit, Khamenei kishte mundësinë të largohej në një vend të sigurt, por nuk e bëri këtë sepse nuk dëshironte të vepronte ndryshe nga qytetarët e zakonshëm iranianë.
“Ai nuk pranoi të shkonte në strehimore sepse populli nuk ishte strehuar”, tha kryediplomati iranian, duke e përshkruar këtë si një akt solidariteti me qytetarët, raportojnë mediat.
Araghchi theksoi gjithashtu se sistemi politik iranian nuk varet nga një individ i vetëm dhe se, pavarësisht humbjes së Khameneit, institucionet shtetërore vazhduan të funksionojnë normalisht.
Ai shtoi se pas vrasjes së liderit suprem, u sigurua menjëherë pasardhësi në krye të shtetit.
Khamenei u vra gjatë sulmeve amerikano-izraelite të 28 shkurtit, ndërsa në krye të Iranit më pas erdhi djali i tij, Mojtaba Khamenei.