Në kulmin e protestave dhe ndërsa mediat më prestigjioze të perëndimit po e shohin me simpati revoltën në Tiranë, Edi Rama fluturoi drejt Parisit për një drekë me Emmanuel Macron.
Pamjet e takimit tregojnë Ramën dhe Macron të kapur dorë për dore dhe shoqërohen me një deklaratë kortezie të presidentit francez: “Franca rikonfirmon mbështetjen e saj për integrimin europian të Shqipërisë dhe për vazhdimin e reformave të nevojshme për të ecur para në rrugën e Bashkimit Europian”.
Se çfarë kërkoi kryeministri shqiptar në këto ditë në Elysee nuk dihet saktësisht. Po aq e paqartë mbetet edhe pyetja tjetër: Nëse mori diçka, çfarë premtoi në këmbim?