Eliminimi i fundit i Gjermanisë nga Kupa e Botës ka shkaktuar reagime të ashpra nga mediat.
Pancerët humbën ndaj Paraguait me penallti në raundin e 1/16-ave, duke vazhduar një seri zhgënjimesh të mëdha në Kupat e Botës. Pas eliminimeve nga grupet në vitet 2018 dhe 2022, gjermanët kanë shkuar vetëm një hap më tej këtë herë, por ndjenja mbetet po aq trishtuese.
Gazeta Bild e përshkroi ndeshjen me ton të pamëshirshëm.
“E turpëruam veten përsëri”, theksoi tabloidi më i lexuar gjerman, duke theksuar se ëndrra për një titull botëror mbaroi që pas ndeshjes së parë të fazës eliminatore.
Bild kujton se Gjermania kishte posedimin e topit që nga fillimi, por nuk ishte në gjendje të gjente zgjidhje kundër bllokut të fortë paraguaian. Ata veçuan planin e dështuar me Deniz Undavin në formacionin titullar.
Nagelsmann e përfshiu atë që nga minuta e parë për t’i dhënë më shumë prezenc sulmit, por Bild shkruan se lëvizja nuk solli efektin e dëshiruar. Undav ishte pothuajse i padukshëm në pjesën e parë dhe në minutën e 63-të u zëvendësua nga Jamal Musiala.
Ndërsa portali Sport1 e quajti ndeshjen një disfatë të plotë gjermane.
Raporti thekson se skuadra e Julian Nagelsmann u eliminua në mënyrë dramatike, pas një shkëmbimi penalltish në të cilin tri gabime ishin shumë. Sport1 na kujton se Gjermania u eliminua për herë të parë në 64 vjet në ndeshjen e parë të fazës eliminatore të Kupës së Botës.