Titulli i sjell Federatës së Futbollit të Spanjës rreth 44 milionë euro. Secili prej 26 lojtarëve merr me vete nga 756,000 euro.
Federata Spanjolle e Futbollit pritet të marrë një shumë të lartë milionësh për suksesin e saj në Kupën e Botës.
Nga njëra anë, janë 50 milionë dollarët (44 milionë euro) për ngritjen e trofeut në Amerikën e Veriut.
Nga ana tjetër, janë përfitimet e paprekshme dhe kontratat e shumta reklamuese që Federata nënshkroi para Kupës së Botës, vlera e të cilave do të rritet pas kësaj fitoreje.
Ndërsa, secili lojtarë i kombëtares spanjolle do të marrë me vete në shtëpi një bonus prej 756 mijë euro.
Për Federatën e Spanjës, siç shkruan sot Marca, ky moment përfaqëson një mundësi kyçe strategjike për të projektuar “Markën e Spanjës” te sponsorët ndërkombëtarë.
Markat partnere aktuale po përjetojnë një kthim të menjëhershëm të investimit të tyre, të nxitur nga miliona shikues televizivë dhe një ndikim masiv në ekosistemin dixhital.
Ky skenar jo vetëm që konsolidon partneritetet ekzistuese afatgjata, por gjithashtu e pozicionon ekipin spanjoll si vitrinën e përsosur për të përfshirë partnerë të rinj globalë të nivelit të lartë.