Sot pritet të zhvillohet seanca në Gjykatën Kushtetuese për shkarkimin e presidentit të Republikës së Shqipërisë, Ilir Meta.
Meta përmes një postimi në rrjetin social Facebook është shprehur se “Kryesorja në jetë të ruajmë 1 dhe të mos e kemi mendjen te shtimi i zerove, sepse pa 1 gjithçka zhbëhet në zero absolute”.
Seanca për shkarkimin e Metës u shty për sot pas kërkesës së përfaqësuesve të presidentit, të cilët do të paraqisnin pretendimet e tyre.
Të martën, Gjykata Kushtetuese rrëzoi pretendimet e presidentit për përjashtimin e gjyqtarëve nën argumentin se nuk garantojnë një proces të paanshëm.
Sipas trupës gjykuese, asnjë nga gjyqtarët nuk është në kushtet e ndalimit.
Këshilltari për çështjet ligjore në Presidencë, Bledar Dervishaj u shpreh i sigurt të martën pas seancës se presidenti Ilir Meta nuk do të shkarkohet. Sipas tij nuk ka asnjë çështje për shkarkimin e kreut të shtetit.