Mesfushori kroat, Marcelo Brozovic, duket se ka ndryshuar qëndrim për rinovimin e kontratës me Interin, pas interesimit të Barcelonës.
29-vjeçari ka kontratë me “kaltër e zinjët” deri në fund të stinorit dhe palët kishin rënë dakord për një rinovimin të kontratës deri në vitin 2026 mirëpo planet ndryshuan.
Sipas asaj që raporton Calciomercato, Barcelona ka bërë lëvizjen e saj për të nënshkruar me kroatin si lojtar i lirë në fund të sezonit duke ndryshuar kështu qëndrimin e Brozovic, pasi që ai ka kërkuar pak kohë nga klubi italian deri në një vendim përfundimtar.
Brozovic ka luajtur një rol kyç për Interin këtë sezon, pasi ka luajtur në 29 ndeshje nga 30. Ai humbi vetëm një ndeshje të raundit të 1/16 të Coppa Italia me Empolin për shkak të pezullimit.