Ish-komandanti i Ushtrisë Çlirimtare të Kosovës, Sylejman Selimi ka udhëhequr kombëtaren e veteranëve të Kosovës drejt një suksesi në një turne ndërkombëtar.
Ish-eprori i UÇK-së që pasluftës shërbeu si Ambasador i Kosovës në Shqipëri dhe për një kohë edhe këshilltar i ish-presidentit Hashim Thaçi, është kapiten i skuadrës kombëtare të veteranëve të Kosovës.
Kombëtarja e veteranëve ka shënuar të hënën fitore me rezultat 5-0 ndaj skuadrës Yalova Masters në turnen ndërkombëtar “Best Masters”, i cili po organizohet në Antali.
Kosova kryeson grupin në këtë turne dhe në rast të fitores së rradhës mund të kualifikohet në gjysëmfinale të këtij turneu.
