Talibanët kanë marrë kontrollin e plotë të aeroportit ndërkombëtar të Kabulit të martën, pasi avioni i fundit amerikan u largua nga pista e tij, duke shënuar fundin e luftës më të gjatë të Amerikës.
Zëdhënësi i talebanëve Zabihullah Mujahid foli për televizionin afgan RTA nga aeroporti duke thënë “ne kemi arritur pavarësinë tonë dhe ishim në gjendje t’i detyronim amerikanët të largoheshin pas 20 vjetësh”, raporton AP.
Vënia në punë e aeroportit ndërkombëtar Hamid Karzai është vetëm një nga sfidat e mëdha me të cilat ballafaqohen talibanët në qeverisjen e një kombi prej 38 milionë banorësh, i cili për dy dekada kishte mbijetuar me miliarda dollarë ndihme të huaj.
Në intervistën me RTA, Mujahid diskutoi gjithashtu rifillimin e operacioneve në aeroport, i cili mbetet një rrugëdalje kryesore për ata që duan të largohen nga vendi.