Drejtoria e Inspekcionit në Komunën e Prishtinës gjatë ditës së sotme ka gjobitur me shumën prej 500 euro kompaninë “Europrinty” Sh.P.K për uzurpim të pronës publike, shkruan Paparaci.
Prej gjashtë vitesh “Europrinty” një korsi të rrugës e ka kthyer në parking privat në lagjen Emshir në Prishtinë.
Por këta të fundit, edhe pas gjobës, kanë vazhduar sërish t’i parkojnë veturat në rrugë.
Megjithatë palës i është dhënë afat i caktuar që ti heq vijat ndërkohë pengesat tjera të vendosura për rezervim të parkingut i janë larguar.
“Europrinty” Sh.P.K. është një kompani e cila ka përfituar miliona nga tenderët publikë në Kosovë.
Bazuar në të dhënat e platformës “Prokurimi i Hapur”, 71 kontrata publike i ka përfituar kompania “Europrinty” nga institucionet publike në Kosovë.
Në Agjencinë për Regjistrimin e Bizneseve, “Europrinty” ka deklaruar kapital prej 8 milionë eurove.
Ajo, bazuar në të dhënat publike, është regjistruar si biznes në vitin 2000 dhe merret me prodhimin e materialeve prej letrave, si dhe tregtisë me materiale shkollore.
