Prodhuesi i vaksinave anti-COVID, Pfizer, pritet të kërkojë miratimin këtë javë për dozën e katërt anti-COVID për të moshuarit, sipas burimeve të AP-së.
Vaksina aktualisht përbëhet nga dy doza, ndjekur muaj më vonë nga një dozë përforcuese, në përpjekje për të ofruar mbrojtje maksimale për popullatën mbi 65 vjeç që është goditur më rëndë nga pandemia.
Administrata e Ushqimit dhe Barnave dhe Qendrat për Kontrollin e Sëmundjeve duhet ta miratojë kërkesën.
“Ne po vazhdojmë të mbledhim dhe vlerësojmë të gjitha të dhënat e disponueshme dhe jemi në dialog të vazhdueshëm e të hapur me rregullatorët dhe autoritetet shëndetësore për të ndihmuar në informimin e një strategjie të vaksinës anti-COVIDndërsa virusi evoluon”, ka thënë zëdhënësja e Pfizer, Jerica Pitts.