Shefi i Grupit Parlamentarë të AAK-së, Besnik Tahiri në fillim të seancës së Kuvendit, ka ndërmarrë një “aksion”, ku ka shfaqur pankarta duke e pyetur qeverinë për Ligjin e Pagave.
Derisa ai po i shpërndante pankartat para ulëseve të kabinetit qeverisës, ka reaguar kryetari i Kuvendit, Glauk Konfufca.
“Besnik ku je inspiru për këto aksione?”, i ka thënë Konfufca-Tahirit.
Kujtojmë se sa ishte në opozitë Lëvizja Vetëvendosje ka ndërmarrë aksione të shpeshta për shumë çështje dhe debate të asaj kohe në vend.
VV-ja dhe AAK-ja kanë pasur edhe bashkëpunim gjatë kohës sa ishin në opozitë, sidomos në kundërshtimin e ratifikimit të Marrëveshjes së Demarkacionit me Malin e Zi.
