Raportohet se ushtruesi i detyrës së kryeredaktorit të RTK 3, Enver Bajrami, ka dhënë dorëheqje nga kjo pozitë.
Siç raporton Nacionale lajmi është bërë i ditur nga Bajrami përmes një njoftimi drejtuar menaxhmentit dhe punëtorëve të këtij mediumi.
Deri tek dorëheqja e tij ka ardhur pas publikimit të lajmit se Kryeministri i Shqipërisë Edi Rama, do të bëhej Sekretar i Përgjithshëm i NATO-s në lajmet qendrore të orës 19:30 në RTK.
Ky lajm pas raportimit me 1 prill kishte rezultuar se ishte shaka e asaj dite nga Suzana Starinkov.
Siç raporton mediumi ky lajm i RTK-së nuk mund të gjendet në faqen zyrtare të RTK-së, pasi siç duket është fshirë.
Lajmit të RTK-së i kishte reaguar edhe Suzana Starinkov, përcjell Paparaci.
“Kjo nuk është më qesharake. Gënjeshtra ime doli në lajmet kryesore në RTK 1. E dashur @rtklivecom, ishte thjesht një shaka e 1 prillit. Ju më bëni të ndihem fajtor vetëm për një shaka prilli. A nuk bëni kërkime përpara se të publikoni lajmet tuaja?, u shpreh Starinkov.
That’s not funy any longer. My April fool’s trick made it in the main news in the RTK 1. Dear @rtklivecom It was just an April fool’s trick. You make me feel guilty for just an April joke. Don’t you do research before you publish your news? I apoligize to your viewers for my joke pic.twitter.com/g2SoQkdRQ3
— Suzana Starikov (@Intetyst) April 1, 2022