Kryetari i Komunës së Skenderajt, Fadil Nura, ka nënshkruar sot propozim-vendimin për hapjen e një fabrike të industrisë së drurit dhe produkteve të betonit në këtë komunë.
Në një postim në llogarinë e tij në Facebook, Nura ka bërë të ditur se ky investim ka vlerën e 4 milionë eurove.
“Një investim në vlerën e 4,000,000 € (katër milionë euro) që do të gjenerojë 100 vende pune”, ka shkruar Nura mes tjerash.
Postimi i plotë:
Të dashur qytetarë!
Çështja e zhvillimit ekonomik dhe papunësia janë problemet më të thella dhe më të mprehta më të cilat po bashkëjetojmë çdo ditë.
Jashtëzakonisht i lumtur që sot po e finalizoj një hap të vogël në drejtimin e duhur lidhur më këtë çështje.
Në përputhje me legjislacionin në fuqi, po i adresoj Kuvendit propozim-vendimin për hapjen e fabrikës së industrisë së drurit dhe produkteve të betonit në Komunën tonë.
Një investim në vlerën e 4,000,000 € (katër milionë euro) që do të gjenerojë 100 vende pune.
Pra, ky është programi dhe zotimi ynë që u kishim dhënë: “Se nuk do ndalemi së krijuari kushte për investime në zhvillimin ekonomik dhe krijimin e vendeve të reja të punës”.Sa më pak fjalë e më shumë punë!”.