Pas vrasjes së 25-vjeçarit Albert Muja, që ndodhi mesnatën e së shtunës në Mitrovicë, Shoqëria Civile në këtë qytet, do të organizojë nesër një protestë paqësore në Mitrovicë.
Protesta “Stop vrasjeve, ne jemi Alberti”, do të mbahet në Sheshin “Adem Jashari” në Mitrovicë, në orën 12:40.
“Bashkohu në marshin protestues #UnëJamAlberti. Mos ma vrit ardhmërinë e shtetit tim”, thuhet ndër të tjera në njoftimin e Shoqërisë Civile të Mitrovicës.
Albet Muja u ther për vdekje mesnatën e së shtunës nga dy persona të dyshuar, Lundrim Beqiri dhe Ardit Zymberi. Ky i fundit këtë të premte është vetëdorëzuar në polici, kurse Beqiri është ende në arrati.
