Ish-kryetari i Komunës së Mitrovicës, Agim Bahtiri gjatë fushatës për zgjedhjet lokale ka përdorur disa shprehje me të cilat janë tallur qytetarët në rrjetet sociale.
Aktori, Burim Fazliu kishte imituar Bahtirin, duke u kënaqur me të qeshurat në studio e pastaj edhe duke kërkuar falje.
Fazliu në Facebook tha se nëse Bahtiri e ka parë këtë imitim dhe është ndier keq, i kërkon falje.
“Edhe pse nuk i praktikojmë imitimet, ky ishte një imitim i z.Agim Bahtirit, i cili erdhi si aty për aty dhe të cilin e pritën jashtëzakonisht mirë publiku. Nëse rastësisht i ka ra me e pa z.Agim Bahtiri dhe u ndie keq, i kërkoj falje”, shkroi Fazliu.