Kryeministri Albin Kurti sot ka udhëtuar për në Shtetet e Bashkuara të Amerikës, ku do t’i zhvillojë disa takime me zyrtarët amerikanë.
Para pak momenteve, shefi i qeverisë njoftoi se është takuar me drejtoreshën e Korporatës së Sfidave të Mijëvjeçarit (MCC), Alice Albright.
Në një cicërimë në Twitter, Kurti tha se ishte nder i veçantë për ta takuar Albright, teksa shtoi se bisedoi për nisjen e negociatave të Kompaktit të Kosovës.
“Një nder i veçantë për t’u takuar me drejtoreshën e MCC, zonjën Alice Albright dhe nisja e negociatave të Kompaktit të Kosovës. E falënderova për punën e palodhshme të MCC-së për të mundësuar Kompaktin, i cili do të bëhet investimi më i madh në sektorin e energjisë në Kosovë dhe rikonfirmon lidhjen e ngushtë që ndajnë vendet tona”, shkroi ai.
A special honor to meet @MCC_CEO Ms. Alice Albright & kick-off Kosova Compact Negotiations. I thanked her for MCC's tireless work in enabling the Compact, which is set to become the largest investment in the 🇽🇰 energy sector & reaffirms the close bond our countries share. 🇽🇰🇺🇸 pic.twitter.com/rDSI1yxI5n
— Albin Kurti (@albinkurti) May 6, 2022