Zëvendëskryeministri rus, Marat Khusnullin ka vizituar Mariupolin të dielën.
Në kanalin e tij Telegram, Khusnullin tha: “Kam vizituar territoret e çliruara të DNR [Republika Popullore e Donetsk] dhe LNR [Republika Popullore e Luhansk]. Kam vizituar Mariupolin, Volnovakhanskun, Luhanskun dhe qytete të tjera dhe kam biseduar me vendasit”, shkruan CNN.
“Në këto rajone po fillon rivendosja e jetës paqësore. Ne do të ndihmojmë. Në veçanti, është e nevojshme të kryhet një punë në shkallë të gjerë për të ofruar ndihmë humanitare”, ka thënë ai.
Videoja tregoi takimin e Khusnullit me Denis Pushilin, udhëheqës i Republikës së vetëshpallur popullore të Donetskut.
Në një përgjigje, Petro Andushenko, këshilltar i kryetarit të zgjedhur ukrainas të Mariupolit, tha se Khusnullin kishte vizituar portin detar të Mariupolit.
“Përveç plaçkitjes banale, vizita të tilla kanë të bëjnë gjithnjë e më shumë me përpjekjet për të integruar territoret e pushtuara drejtpërdrejt në Rusi”, tha Andrushenko.