Ditën e sotme, është mbajtur parada e përvitshme e komunitetit të LGBTQI në Shqipëri.
Me moton “Ne jemi familje”, dhjetëra anëtarë dhe aktivistë marshuan në Tiranë, duke u ndaluar edhe te kryeministria aty ku mbuluan shkallët e ndërtesës me flamurin e LGBTI.
Një numër i konsiderueshëm personash kërcyen e kënduan këngën “Sekret” të këngëtares Ronela Hajati.
Disa pamje të publikuara në mediat në Shqipëri, tregojnë momentin kur qytetarët këndojnë këngën e kërcejnë.
Marshuesit valëvisnin flamurin me ngjyrat e ylberit ndërsa kërcenin këngën përfaqësuese të Shqipërisë në Eurovizion 2022 “Sekret”.