Kryetari i Kievit, Vitaly Klitschko, ka mohuar raportimet se ai ka thënë që ukrainasit do të çlirohen nga Rusia “sikur shqiptarët prej Serbisë”.
“Miq, disa media në internet, përfshirë ato ruse, kanë nisur të shpërndajnë ‘deklaratën’ time lidhur me Serbinë e Shqipërinë. S’e kam thënë atë. Para se të ritransmetojnë këtë informatë e të citojnë çka do, gazetarët duhet të verifikojnë me audio apo video ekskluzivitete të tilla”, ka shkruar Klitschko në Facebook duke mohuar deklaratën që u raportua se e ka dhënë për një medium shqiptar në Zvicër.
Pas raportimeve për deklaratën e Klitschkos, reagime pati edhe nga krerë serbë. Ministri i Punëve të Brendshme, Aleksandar Vulin, u shpreh se krahasimet s’janë të mira dhe se nëse Klitschko ka bërë diçka të tillë, “duhet t’i shkojë deri në fund”.