Shefi i Zyrës së Presidencës, Blerim Vela i ka reaguar drejtorit të së ashtuquajturës Zyra për Kosovë në Qeverinë e Serbisë, Petar Petkoviq, i cili tha se presidentja Vjosa Osmani mund të marrë leksione nga Aleksandar Vuçiq se si bëhet paqja në Ballkanin Perëndimor.
Vela në një postim në Twitter iu kundërpërgjigj duke i thënë se pjesa tjetër e rajonit nuk ka një kujtesë kaq të shkurtër si ai.
“Pra, na kurseni leksionet tuaja. Ne i kujtojmë shumë mirë ditët ‘radikale’ të Vuçiqit kur ai i shërbeu “paqes” në rajon, gjë që i dha atij një vend në listën e zezë të BE-së në vitin 1999”, shkroi Vela.
“Ju nuk mund ta zbardhni të kaluarën e tij, edhe nëse jeni përpjekur”.
Petkoviq në një postim në Twitter u mundua ta paraqesë presidentin serb, Aleksandar Vuçiq si një “paqeruajtës” në rajon.
The rest of the region doesn’t have such a short memory like you. So, spare us your lectures.
We remember very well Vučić’s “radical” days when he served “peace” in the region, which earned him a place in EU’s blacklist in 1999!
You can’t whitewash his past, even if you tried. https://t.co/HNapoPBEBy
— Blerim Vela (@Blerim_Vela) May 30, 2022