Presidenti i Bjellorusisë, Alexander Lukashenko, u ka dhënë çmime shtetërore agjentëve lokalë të KGB-së për pjesën e tyre në atë që ai tha se ishte një operacion për të shpëtuar shoferët bjellorusë të kamionëve të bllokuar në Ukrainë që kur Rusia e pushtoi atë në shkurt, raporton BBC, transmeton Paparaci.
Lukashenko tha në televizionin shtetëror se pasi filloi i ashtuquajturi “operacion special” i Rusisë, disa dhjetëra shoferë u bënë “peng të situatës” dhe duhej të ktheheshin në shtëpi nga shërbimet bjelloruse të sigurisë. Ai tha se dy nga shoferët u vranë.
“Iu jam mirënjohës për operacionin e kryer nga ju për të çliruar njerëzit tanë, praktikisht nga robëria”, tha Lukashenko.
Një aleat i vendosur i Vladimir Putinit, Lukashenko ngriti vetullat në fillim të këtij muaji kur tha se lufta ishte “zvarritur” – duke mbrojtur gjithashtu pushtimin e Rusisë.
Bjellorusia ndan një kufi me Ukrainën dhe Rusia dërgoi trupa nga atje kur filloi pushtimin e saj.