Një ish-oficer britanik i inteligjencës, Christopher Steele, thotë se ai “nuk e sheh” presidentin rus Vladimir Putin, të jetë në pushtet “tre deri në gjashtë muaj nga tani”.
Duke folur për programin World at One të BBC Radio 4, Steele tha se sapo sanksionet perëndimore ndaj Rusisë, veçanërisht masat energjetike, të fillojnë të hyjnë plotësisht në fuqi, ditët e Putinit do të fillojnë “të numërohen”, shkruan BBC.
Christopher Steele, që ishte autor i dosjes Trump-Rusi, vuri në dukje se shëndeti i Putinit po dobësohet. Nëse burimet e ShBA-së dhe Britanisë së Madhe kanë të drejtë, tha ai, udhëheqësi rus mund të “paaftësohet” në atë kohë.