Policia e Kosovës ka arrestuar sot pas mesnate rreth orës 00:30 ka arrestuar një person në Ferizaj.
Policia njofton se në rrugën magjistrale Ferizaj-Prishtinë, afër pikës së karburantit ‘’Hib Petrol’’, kanë ndaluar një automjet të udhëtarëve me targa vendore, shoferin dhe dy pasagjerë, për kontroll.
Tutje sipas Policisë gjatë kontrollimit të automjetit dhe personave, njërit pasagjer me inicialet E.B, iu është gjetur dhe konfiskuar një armë zjarri me 9 fishek.
“Policia, pasi ka intervistuar të dyshuarin, me vendim të Prokurorit të Prokurorisë Themelore në Ferizaj, është iniciuar rasti ‘’Mbajtje në pronësi , kontroll, ose posedim i paautorizuar i armës’’ për procedura të mëtejme hetimore dhe i dyshuari është liruar”, shkruhet në njoftim.