Pas interesimit të skuadrave angleze për shërbimet e sulmuesit shqiptar, Armando Broja, në garë janë futur edhe gjigantët italianë si Napoli e Atalanta.
Fillimisht ishte raportuar se Napoli ka shprehur interesim për 20-vjeçarin, ndërsa sot sipas “Tuttomercatoweb” në garë për shërbimet e tij është futur edhe Atalanta.
Madje, Atalanta tashmë ka nisur negociatat me Chelsean për Brojën, i cili po kërkohet me ngulm nga trajneri Gian Piero Gasperini.
Broja ka shkëlqyer sezonin e fundit në huazim te skuadra e Southamptonit, duke zgjuar kështu interesimin e shumë klubeve evropiane.