Aknet janë gjendje e zakonshme e lëkurës. Ato shkaktojnë gunga në lëkurë të njohura si puçrra. Aknet formohen kur folikulet e vogla të qimeve në lëkurën tuaj bllokohen nga lëkura e vdekur dhe yndyra. Kjo bën që bakteret të rriten dhe të irritojnë lëkurën.
Vendosja e akullit në lëkurë për puçrra duket si një proces i thjeshtë, por ka disa specifika që duhet t’i keni parasysh para se ta aplikoni.
Përpara se të vendosni akullin në lëkurë, mbështilleni me një leckë të hollë. Gjithashtu mund të përdorni një kompresë të ftohtë në vend të kësaj.
Aplikoni akullin te puçrrat vetëm për një minutë. Mund ta vendosni për një minutë pas pastrimit të fytyrës në mëngjes dhe në mbrëmje. Nëse puçrra është jashtëzakonisht e acaruar, mund ta mbani edhe më gjatë– vetëm sigurohuni që të prisni rreth pesë minuta para se ta aplikoni sërish. Kjo ndihmon në parandalimin e dëmtimit të lëkurës.
Ndonjëherë akulli mund të funksionojë mirë për të trajtuar puçrrat kur përdoret së bashku me trajtime të ngrohta, siç janë kompresat ose peshqirët me avull. Duke përdorur trajtime të ngrohta fillimisht, ju mund të ndihmoni në heqjen e çdo mbetje që është bllokuar te poret.
Pas aplikimit të ngrohjes për 5 deri në 10 minuta, më pas mund të vazhdoni me akull për një minutë për të ulur inflamacionin dhe ënjtjen.
Çfarë duhet të dini para se të provoni këtë metodë? Ndaloni menjëherë përdorimin e akullit dhe telefononi mjekun tuaj nëse vëreni:
– skuqje
– flluska
– mpirje afatgjatë
– ndryshime në ngjyrën e lëkurës