Përfaqësuesi i Lartë i BE-së për Politikë të Jashtme e Siguri, Josep Borrell, bëri të ditur se ka folur me kryeministrin e Kosovës, Albin Kurti dhe presidentin e Serbisë, Aleksandar Vuçiq, për t’i uruar ata për arritjen e një marrëveshjeje mbi udhërrëfyesin e energjisë sot në Bruksel.
Lajmin e kumtoi Borrell në një cicërimë në Twitter, teksa shtoi se ujdia e sotme është hap i madh përpara në dialogun mes dy vendeve.
“Ky është një hap i madh dhe i rëndësishëm përpara në Dialogun e ndërmjetësuar nga BE-ja dhe do të japë rezultate konkrete për të gjithë qytetarët. Mezi presim të vazhdojmë të punojmë në hapat e ardhshëm”, shkroi ai.
Spoke to @avucic and @albinkurti to congratulate them on reaching an agreement on the energy roadmap today.
This is a big & important step forward in the EU-facilitated Dialogue and will deliver concrete results for all citizens. We look forward to continue working on next steps https://t.co/5r2jS0SX8n
— Josep Borrell Fontelles (@JosepBorrellF) June 21, 2022