Skuadra e Gjilanit ka vazhduar punën e mirë në merkaton verore. Klubi gjilanas ka zyrtarizuar sot transferimin e futbollistit Mevlan Zeka.
Ditë më parë Zeka kishte ndërprerë bashkëpunimin me Ballkanin, teksa sot ka nënshkruar me Gjilanin.
Palët kanë rënë dakord për një marrëveshje dy vjeçare, me mundësi vazhdimi.
Gjilani do të zhvillojë sot ndeshje miqësore me Llapin në Strugë, në kuadër të ndeshjeve përgatitëse para garave evropiane.