Zëvendëskryeministrja e Kosovës, Emilija Redzepi mori pjesë në hapjen e një hoteli të ri në Komunën e Prizrenit, ceremonia inauguruese e të cilit filloi me një lutje drejtuar Zotit.
Lutjet drejtuar Zotit në ceremoninë hapëse të hotelit – e cila u përcoll nga kamerat e mediave lokale në Prizren – i realizoi kryetari i Këshillit të Bashkësisë Islame në Prizren, Besim Berisha.
“O Zot i gjithësisë, ne të gjithë të pranishmit që jemi mbledhur në këtë vend i kemi ngritur duart tek mëshira”, filloi lutjet Berisha, derisa të pranishmit e tjerë në ceremoni kishin ngritur duart në lutje.
Përpos zëvendëskryeministres Redzepi, në ceremoni morën pjesë edhe përfaqësues të Komunës së Prizrenit.