Arbi Bamllari, së bashku me ekipin e Skaitech kanë arritur që të krijojnë dronin e parë shqiptar. Droni ka një sërë funksionesh si inteligjencë artificiale, 4G dhe 5G, distancë fluturimi prej 3 km si dhe autonomi fluturimi. I ftuar në emisionin “Abc-ja e mëngjesit”, Arbi tha se ishin frymëzuar nga një kompani amerikane.
“Kemi krijuar një prototip të dytë, më i lehtë për qëllime testimi për stabilitetin dhe autonominë e tij. Prototipi i parë qëndron deri në 30 minuta në ajër, ka një distancë fluturimi deri në 10 km, por ka dhe 4G dhe 5G. Nga 2.5 duam ta çojmë në 1.5 kg si peshë dhe distancën ta rrisim deri në 25 km.”, tha ai.
Ai tha se kompania Skaitech synon që dronin e parë shqiptar ta bëjë të konkurrueshëm edhe në tregun ndërkombëtar duke dëshmuar kështu kapacitetet e Shqipërisë në teknologji dhe inovacion. /abcnews.al