Klubi i basketbollit Prishtina, ka reaguar ndaj Kenny Brown, ish-basketbollistit të klubit, i cili akuzoi ata se nuk kishin përmbushur obligimet financiare ndaj tij.
Brown, kishte publikuar disa video incizime në Instagramin e tij, duke treguar se Prishtina ka borxh ndaj tij dhe nuk i janë përmbajtur rregullave të kontratës.
Ndërkaq, e kundërta thuhet të jetë nga klubi i Prishtinës.
Sekretari gjeneral i klubit, Agon Abazi ka demantuar lajmet e Brown, ndërsa ka dërguar edhe një dëshmi në redaksinë e Paparacit.
“Deklaroj se më 15 qershor të vitit 2022 kam pranuar shumën prej 3000 dollarëve, si pagesën finale për sezonin 2021-2022. Të dyja palët pajtohen se nuk kanë obligime ndaj njëri tjetrit dhe marrëveshjet tjera nuk kanë ndonjë efekt juridik”, thuhet në deklaratën e pagesës mes Prishtinës dhe Kenny Brown.
