Ish i deleguari special i ish-presidentit të SHBA-së, Donald Trump, për dialogun Kosovë – Serbi, Richard Grenell, ka mbërritur sot rreth orës 12:00 në Prishtinë.
Ai u fotografua sot në qendër të Prishtinës.
Por, për ardhjen në kryeqytetin e Kosovës, ai ka njoftuar edhe përmes një fotografie që ka publikuar në llogarinë e tij në Instagram.
“Energji e mrekullueshme në Prishtinë – Kosovë. Mund ta ndieni këtë”, ka shkruar Grenell në Instagram.
View this post on Instagram
Ditë më parë, Grenell ishte në qendër të vëmendjes në opinionin kosovar, pasi analisti serb Dushan Janjiq, tha se Serbia e paguan atë 100 mijë dollarë në muaj për të lobuar për interesat e Serbisë.