Drejtori i së ashtuquajturës Zyrë për Kosovën Petar Petkoviq ka deklaruar sot se pjesëtarët e Policisë së Kosovës nuk po e lejojnë kryetarin e Listës Serbe, Goran Rakiq, që ta kalojë pikën kufitare të Jarninjës.
“Ndonëse barrikadat janë hequr dhe rrugët janë të kalueshme, policia e Kurtit vazhdon të bllokojë kalimin”, shkroi ai në Twitter.
Ai shtoi se e ka informuar edhe emisarin special të BE-së për dialog, Miroslav Lajçak, për këtë që ai e quan skandal dhe shkelje të marrëveshjes.
“Ose kemi liri të lëvizjes ose nuk kemi”, përfundoi ai.