Kryeministrja e Serbisë, Ana Bërnabiq, të hënën do t’ia mësyjë Republikës së Kosovës për një vizitë. Siç shkruan Radio Kontakt Plus, Bërnabiq do të fillojë vizitën e saj në Mitrovicë, e më pas planifikon të udhëtojë drejt Zveçanit.
Pas Zveçanit, në mbrëmje Brnabiq planifikon të vizitojë Leposaviqin. Atje ajo do të takojë disa qytetarë serb të Kosovës, të cilëve e ashtuquajtura “Zyra për Kosovën” iu ka ndërtuar një shtëpi të re.
Nga “zyra” që drejton Petkoviq kanë thënë se e kanë bërë publike vizitën e Bërnabiq 72 orë më herët, në përputhje me marrëveshjen për vizita zyrtare.
Nëse lejohet nga institucionet e Kosovës, kjo do të jetë hera e parë që Bërnabiq viziton Republikën e Kosovës.