Zëdhënësi i Kremlinit, Dmitry Peskov, ka anashkaluar në mënyrë të dukshme pyetjen e një gazetari nëse Putin kishte ende besim te lidershipi ushtarak, raporton Sky News, transmeton Paparaci.
“Operacioni special ushtarak vazhdon. Dhe do të vazhdojë derisa të arrihen qëllimet që ishin vendosur fillimisht”, tha Peskov.
Presidenti rus u shfaq më vonë në televizionin shtetëror duke kryesuar një takim mbi ekonominë, në të cilin ai nuk iu referua tërheqjes dhe tha se vendi i tij po qëndronte mirë përballë sanksioneve perëndimore.
“Taktikat e blitzkrieg-it ekonomik, sulmi në të cilin po mbështeteshin, nuk funksionuan,” tha ai.
Pas disa ditësh shmangie të çdo referimi për tërheqjen, ministria ruse e mbrojtjes pranoi të shtunën se kishte braktisur bastionin e saj kryesor në verilindje, Izium dhe Balakliia fqinje – duke pretenduar se ishte një “rigrupim” i planifikuar paraprakisht.