Policia e Kosovës sot ka zbarkuar në zyrat e televizionit “First Channel”, pas dhunës së shfaqur në reality show “It’s my home”.
Në një prononcim për Paparacin zëdhënësja e Policisë për rajonin e Prishtinës, Flora Ahmeti, ka njoftuar se policia për këtë rast ka hapur dy vepra penale.
“Lidhur me ngjarjen në fjalë, pas përfundimit të fazës fillestare të hetimit si dhe intervistimit të disa personave policia është udhëzuar nga prokurori i shtetit që të hap rast për veprat sulm dhe kanosje”, tha ajo për Paparacin.
Pamjet skandaloze në “It’s my home”, Kajtazi kërkon mbylljen e televizionit
Ndryshe, sot pas një debati në shtëpinë e “It’s my home”, njëra nga banoret e shtëpisë është goditur me këpucë nga një tjetër banor.
Viktima e dhunës, në këtë rast banorja e “It’s my home”, është larguar duke qarë nga dhoma ku po bëhej debati. Por, ajo që ka rënë në sy është se askush nuk shkon pas saj për ta ndihmuar. Përkundrazi një grua aty e përkrahë dhunën ndaj saj duke i thënë sulmuesit “bravo, mirë ia bëre”.
E përlotur, banorja që u sulmua dëgjohet teksa thotë “S’jam ardhë unë mem rreh këtu”.