Deputetja e Lëvizjes Vetëvendosje, Vasfije Krasniqi, ka njoftuar se për shkak të një një trajtimi mjekësor, ka dhënë dorëheqje nga posti i deputetes.
Njoftimin e dha ajo në Facebook, teksa shtoi se angazhimin publik për Kosovën do ta vazhdojë në Shtetet e Bashkuara të Amerikës.
“Sidoqoftë ashtu si edhe deri më sot, unë do të vazhdoj angazhimin publik për Kosovën në SHBA, sidomos në Kongresin Amerikan. Si rezultat i këtij angazhimi besoj që së shpejt do të shihen të arriturat e para. Kam besimin e plotë që së bashku me miq, njerëz të vullnetit të mirë, punëtorë e vizionarë, kauza e fitores së drejtësisë në Kosovë do të triumfojë”, tha ajo.