E dashura e futbollistit, Cristiano Ronaldo, i ka habitur të gjithë fansat e saj me komentin që ka lënë në një foto të Leo Messit të postuar në “Facebook”.
Modelja, Georgina Rodriguez, nuk ka ngurruar që të komentojë në pozën e marrë nga rivali më i madh i partnerit të saj, Messi-së, i cili ka postuar një foto nga stërvitja, teksa shijon rrezet e diellit.
Modelja 27-vjeçare, fillimisht ka komentuar me emoji ‘flakë’ dhe më pas me humor ka shkruar, “Ok, mos i trego Cristianos”.
Ndërkohë menjëherë ndjekësit e Messit kanë reaguar në komentin e Georginës, duke thënë se mund të mos jetë profili i saj zyrtar, por dikush tjetër që shkruan në emrin e saj.
Cristiano Ronaldo dhe Georgina Rodriguez, janë sërish në pritje të binjakëve dhe lajmin e kanë bërë të ditur pak kohë më parë.
