Gruaja e futbollistit të kombëtares sllovene, Benjamin Verbiç, ka publikuar pamje skandaloze në të cilat lojtari i Panathinaikos shfaqet në shoqërinë e disa femrave teksa dyshohet se po argëtohej gjatë ndeshjeve të Ligës së Kombeve.
Në pamjet dhe fotot e shpërthyera në rrjetet sociale, futbollisti slloven po kalonte kohë me vajza dhe ishte nën ndikimin e konsiderueshëm të alkoolit gjatë pushimit mes dy ndeshjeve të Sllovenisë në Ligën e Kombeve.
Gruaja e Verbic, ukrainasja Alvina, më pas publikoi një video tjetër të njërës prej vajzave me të cilat kalonte kohë burri i saj dhe nuk e fshehu zhgënjimin e saj.
“Dreq njerëz, turp të keni. Të argëtoheni në pushimin e kombëtares është normale, por vetëm nëse jeni të rrethuar nga njerëz normal. Vërtet nuk e kuptoj si mund të jeni kaq budallenj”, ka shkruar Alvina së bashku me disa foto dhe një video.
Pasi ky lajm mori hov, foli vetë Verbiç, i cili mohoi akuzat e gruas së tij.
“Fotografitë dhe videoja e publikuar nga ish-partnerja dhe nëna e fëmijës tim janë shumë të vjetra. Gjithçka që ajo ka shkruar është një gënjeshtër e plotë”, tha Verbiç.
Për shkak të përmbajtjes eksplicite, gruaja ukrainase më pas fshiu regjistrimet dhe fotot, por tashmë ishte vonë, sepse ato u përhapën në rrjetet sociale.