Rusia dhe satelitët e saj janë kërcënuesit më të mëdhenj të paqes dhe duhet të ndalen, ka thënë presidentja e Kosovës, Vjosa Osmani, pak orë pasi presidenti i Rusisë, Vladimir Putin, e shpalli aneksimin e një pjese të territorit të Ukrainës.
“Grabitja e paligjshme e territorit të Ukrainës, bazuar në “referendumet” e turpshme dhe përdorimi i forcës është një shkelje e plotë e së drejtës ndërkombëtare. Rusia dhe satelitët e saj janë kërcënimi më i madh për paqen dhe duhet të ndalen e të sanksionohen edhe më shumë”, ka shkruar Osmani në Twitter.
Ajo ka thënë se Kosova dhe aleatët demokratikë “gjithmonë do të jenë krah Ukrainës”.
Të premten, Putini deklaroi si territore ruse katër rajone në Ukrainë.
Putin’s illegal land grab of 🇺🇦 territory based on sham “referendums” & use of force is an utter violation of intl’ law.
Russia & its proxies are the biggest threat to peace and must be stopped & further sanctioned.
Kosovo & democratic allies will always #StandWithUkraine!
— Vjosa Osmani (@VjosaOsmaniPRKS) September 30, 2022