Drejtori i përgjithshëm i RTK-së, Ngadhnjim Kastrati ka paralajmëruar masa ndaj komentatorit të Radio Televizionit të Kosovës, Andin Lokaj.
Kastrati, njoftoi sot se Transmetuesi Publik ka nisur procedurat për vendosjen e Lokajt para përgjegjësisë në lidhje me deklarimet e tij fyese ndaj futbollistëve të Kombëtares Shqiptare të futbollit.
“Lidhur me rastin e deklarimeve publike te komentatorit Andin Lokaj, RTK njofton se do te veproj ne perputhje me Standardet Profesionale te RTK-se dhe Rregullores per Pergjegjesite materiale dhe disiplinore. Po ashtu ju beje me dije se tani me kane filluar procedurat ne lidhje me kete rast!”, ka thënë Kastrati të mërkurën.
Lokaj kishte reaguar dje pas lojës mes Kosovës e Shqipërisë U-21, duke i quajtur të paaftë për lojë futbollistët shqiptarë.