Xhiroja e 14-të në Albi Mall Superliga e Kosovës do të vazhdojë sot me dy ndeshje interesante.
Ferizaj do të jetë nikoqir i Drenicës, ndërsa Trepça 89 do të udhëtojë në Malishevë.
Ferizajasit gjenden në vendin e fundit me tetë pikë gjithsej dhe u nevojitet shumë fitorja.
Në anën tjetër, Drenica është e pesta në tabelë me gjithsej 16 pikë të grumbulluara.
Malisheva gjendet e shtata dhe një fitore eventuale sot do t’i largonte edhe më shumë nga zona e rrezikshme.
Në anën tjetër, Trepça’89 ka rënë në vendin e parafundit me 11 pikë gjithsej.
Të dyja duelet zhvillohen me fillim nga ora 13:00.