Edhe pse makinat e reja me benzinë janë shitur më shumë se ato me naftë në vitet e fundit, dizelët janë ende shumë më të kërkuar nga kosovarët kur importojnë makina të përdorura nga vendet e Bashkimit Evropian.
Nëse drejtoni një automjet dizell që është prodhuar pas vitit 2009, kur edhe ishte prezantuar standardi Euro V, dhe kështu standardet mjedisore për emetimin e oksideve të azotit dhe grimcave (PM), një simbol që shfaq një problem me filtrin e grimcave ndizet në panelin e instrumenteve.
A e dini se si duket ai simbol dhe çfarë duhet të bëni nëse ndizet ajo dritë?
Bllokimi i filtrit zakonisht ndodh për shkak të distancave të shkurtra të vozitjes, veçanërisht për shkak të ndaljeve dhe rinisjeve të shpejta në qytet.
Për këtë arsye, rekomandohet për të gjithë ata që drejtojnë makina me naftë kryesisht në kushte qyteti, që pas një kohe të caktuar, të paktën 20 minuta ta kalojnë makinën në autostradë dhe ta vozitin atë me shpejtësi rreth 120 km/h.
Kështu që, nëse drita ndizet, mund të provoni të vozisni në autostradë dhe të bëni një xhiro të shkurtër. Dhe nëse kjo nuk funksionon, do të duhet të shkoni në qendrën e servisimit të veturës tuaj për ta pastruar dhe rigjeneruar filtrin DPF.
Pastrimi i filtrit DPF është shumë më i lirë se kostoja e një filtri të ri, kështu që nëse ai mund të riparohet, është padyshim një opsion me kosto më efektive.