Përfaqësuesja e Kosovës ka shënuar përmirësim, duke u ngritur për dy pozita në ranglistën e FIFA-s.
Kosova për dallim nga pozicionimi i fundit ku ishte në vendin e 113-të, ka shënuar ngritje për dy pozita, duke u rradhitur e 111-ta.
Kjo ngritje vjen pas performancës së mirë të “Dardanëve” të cilët barazuan në udhëtim me Greqinë, me rezultat 1:1.
Për dallim nga Kosova, Shqipëria pësoi rënie në listimin e fundit të FIFA-s duke zënë vendin e 66-të.
Vendin e parë në listë si kombëtarja më e mirë e ka Belgjika duke lënë pas Brazilin e Francën.