Lideri i Premier Leagues, Arsenali, është eliminuar nga Kupa e Ligës së Anglisë.
Të mërkurën mbrëma, Arsenali ka pësuar humbje në shtëpi nga Brightoni me rezultatin 3:1. Brightoni kalon në të tetën e finales. Eddie Nketiah shënoi për epërsinë e Arsenalit në minutën e 20-të, por mysafirët ia dolën që të rikthehen.
Rezultatin në 1:1 e barazoi ish-lojtari i Arsenalit, Danny Welbeck nga penalltia në minutën e 27-të.
Brightoni kaloi në epërsi prej 2:1 me golin e Kaoru Mitomas në minutën e 58-të. Kurse Tariq Lamptey shënoi golin e tretë dhe të fundit në minutën e 71-të. Granit Xhaka luajti tek Arsenali nga minuta e 80-të, por pa arritur të ndryshojë në rezultat.