FFK-ja heq listën e Kosovës që e publikoi pak orë më parë
Federata e Futbollit e Kosovës ka hequr nga faqja zyrtare listën e përfaqësueses së Kosovës për miqësoret me Armeninë dhe Ishujt Faroe.
FFK-ja më herët të premten ka publikuar listën e selektorit Alain Giresse, por ndërkohë e ka hequr. Është mësuar që lista nuk është finale dhe mund të ketë ndonjë ndryshim.
Në listën e publikuar ka pasur plot emra të rinj, ndërsa janë ftuar edhe disa lojtarë të Superligës së Kosovës.
Kosova luan me Armeninë më 16 nëntor, ndërsa me Ishujt Faroe më 19 nëntor. Të dy ndeshjet luhen në Prishtinë.
Giresse publikon listën me lojtarët e ftuar për miqësoret e nëntorit
