Brazili ka mundur Serbinë me rezultatin 2-0 në ndeshjen e parë të zhvilluar në Botërorin e Katarit.
Por një ngjarje e shëmtuar ka ndodhur në dhomat e zhveshjes së futbollistëve të përfaqësueses serbe. Kjo është bërë e ditur nga një ish-politikan kosovar, Petrit Selimi përmes një postimi në Twitter.
Ai ka zbuluar se ata shpalosën një flamur me ngjyrat e shtetit serb, teksa në të ishte harta e Republikës së Kosovës. Mbi të ishte shkruar “Nema Predaje”, që në shqip përkthehet “Nuk dorëzohemi”.
No politics? @FIFAWorldCup bans European teams having #OneLove human rights armbands, yet Serbian team’s locker room adorned with the map of Kosovo, with superimposed Serbian flag & a call “No Surrender”. Kosovo is an equal member of @FIFAcom folks. Obscene. #WorldcupQatar2022 pic.twitter.com/ohpGZSgoeQ
— Petrit Selimi (@Petrit) November 24, 2022
Selimi shprehet se FIFA nuk lejon shiritat “OneLove”, por Serbia vepron në mënyrë të turpshme.
Pritet të shihet nëse FIFA do të reagojë ndaj këtij akti.