Kombëtarja e Portugalisë është eliminuar sot nga Kampionati Botëror “Katar 2022”, pasi që u mposht nga Maroku në çerekfinale.
Portugalia u mposht 1:0 nga Maroku në stadiumin “Al Thumama”, kështu duke i dhënë fund ëndrrës për triumf në këtë Botëror, raporton KosovaPress.
Trajneri i Portugalisë, Fernando Santos u kritikua shumë që la në stol yjet si Cristiano Ronaldon dhe Joao Cancelon.
Tani, pas ndeshjes ka reaguar Santos, duke zbuluar detaje për të ardhmen e tij si trajner i Portugalisë.
“Sonte unë do të fluturojë drejt Lisbonës dhe ne do të diskutojmë me presidentin për të ardhmen time, si gjithmonë”, tha Santos.
Pritjet janë që Fernando Santos do të shkarkohet gjatë ditëve në vazhdim.